Davao City – Nagpadayon ang inbestigasyon sa Department of Public Works and Highways Region XI human nahugmak ang on going bridge widening project sa Bunawan ning dakbayan sa Davao.
Sa interbyu sa DXDC RMN Davao kang Dean Ortiz, DPWH XI spokesperson, pahamtangan og silot o sanction ang contractor kung masayrang dunay lapses sa implimentasyon sa maong proyekto. Maagian gihapon kini apan adunay isiradong lane alang sa himuong repair.
Gikumpirma ni Ortiz, usa ka balay ang hapit matabunan sa nahugmak nga pader ug walay naangol apan adunay bata nga giingong na-trauma sa panghitabo.
Andam motunol og assistance ang contractor sa mga apektado sa insidente ug psychosocial intervention sa mga pamilya.
RadyoMaN Aimee Guinita
Facebook Comments
