Davao City – Gipasalig sa Department of Public Works and Highways (DPWH)-XI nga dili dali nga maguba ang mga imprastraktura sa Davao Region batok sa mga linog o pagtay-og.
Kini human miigo ang magnitude 5.6 nga linog nga misenteo sa Governor Generoso, Davao Oriental alas 4:00 sa kaadlawon niadtong Sabado, December 10, 2022.
Sa interbyu sa DXDC RMN Davao kang Dean Ortiz, tigpamaba sa DPWH-XI, gisiguro niini nga lig-on ang mga imprastraktura sa rehiyon rason nga walay angay kabalak-an ang publiko.
“We can assure you of the fact na kining atong mga tulay, kining atong mga dalan, mulungtad gyud ni,” sulti ni Ortiz.
Niadtong Sabado, human sa pagtay-og, gilayong gisusi sa matag Local Government Unit (LGU) ang ilang Area of Responsibility (AOR) pagsigurong luwas sa damyos ang mga imprastraktura ug mga gambalay epekto sa linog.
RadyoMaN Kirby Manzon
Facebook Comments
