Matud ni Dean Ortiz tigpamaba sa DPWH XI, isalig nila ngadto sa contractor kung moduso kini og legal action aron dili na masubli ang insidenting pagpangawat sa mga bakal.
“As far as we are concern the project is already under contract with the contractor, it’s there sole responsibility to request for additional security. But of course as the implementing agency we will also be seeking the assistance of the Philippine National Police together with the Barangay concern,” segun niini.
Kahinumduman, nagpatala sa Sta. Ana Police Station ang gwardiya sa sagunson nga giingong pagpangawat og bakal sa grupo sa mga wa mailhing lalaki sa gitukod nga tulay sa Sta. Ana Wharf.
Sa intebyu sa DXDC RMN Davao sa duty guard nga si Jeric, matag gabii himoon ang pagpangawat sa mga suspetsado.
Gisulayan paggukod ug nag-warning shot na ang gwardiya sa mga suspek apan gibato kini sila sa mga nagsilbing ‘look out’. Matud sa gwardiya, gawas sa pagpangawat og bakal, gibastos usab sila sa maong grupo. Anaa sa 10 ka mga bakal ang gikuha sa mga suspek sa pinakaulahing insidente niadtong nakalabay’ng semana.
Sa pikas bahin, nilusad og follow up investigation ang Sta. Ana Police Station aron madakpan ang mga suspek. Sumala ni Police Major Jake Golez, Sta.Ana Police Station Station Commander magbutang siya og mga pulis aron mutabang sa pagbantay sa area.
RadyoMaN Aimee Guinita
