Davao City – Gikumpirma sa Department of Public Works and Highways (DPWH)-XI nga wala nakaapekto sa mga imprastraktura sa rehiyon ang magnitude 5.6 nga linog nga miigo ug misentro sa Governor Generoso, Davao Oriental alas 4:00 sa kaadlawon niadtong Sabado, Disyembre 10, 2022.
Sa interbyu sa DXDC RMN Davao kang Dean Ortiz, tigpamaba sa DPWH-XI, gibutyag niini nga gilayong gi-inspeksyon ang mga imprastraktura sa rehiyon labi na gyud sa Davao Oriental asa sentro ang linog ug wala pay gika-report nga damyos human sa kusog nga linog ug nagpabiling kining luwas nga agian.
“Sa na-receive nato nga report ganinang buntag, tanang national roads and bridges nato passable man. So, walay reported nga damage as of this time sa atoang mga infra,” sulti ni Ortiz.
Giawhag usab sa DPWH-XI official ang publiko nga mag-igmat ug gilayong ipaapot sa departamento kung aduna man silay concern labi na sa epekto sa linog aron kini gilayong maaksyonan.
RadyoMaN Kirby Manzon
Facebook Comments
