DPWH XI: Mga gambalay wa maapektohi sa linog kagabii

Davao city – Gilayon nagpahigayon og assessment ang Department of Public Works and Highway Davao Region (DPWH XI) sa nahimong epekto sa 6.4 magnitude nga linog sa lungsod sa Sarangani, Davao Occidental kagabii.

Sa interbyu sa DXDC RMN davao news team kang DPWH XI Spokesperson Dean Ortiz, giingon niini nga human sa linog kagabii gilayon nagpadala og team ang ilang buhatan aron muhimo og assessment kon adunay bay nangaliki nga mga istruktura sa gobyerno ug gambalay isip danyos sa pagtay-og sa linog.

Suma ni Ortiz nga basi sa gipadala nga taho gikan sa ilang district engineers sa mga probinsiya, wa’y nangaguba nga dalan ug wa ra mabalda ang biyahe sa mga bihikulo gabii.

Dugang ni Ortiz nga wa sab sila’y nadawat nga report nga dunay mga istruktura sa gobyerno ug sa pribado ang nangaliki.

Samtang wa na paagii sa publiko ang Overpass sa Matina Crossing gumikan sa nakitang mga crack niini.

Gibutyag usab ni Matina Crossing BDRRMC Romel Sajulga nga lima ka mga pampublikong tulunghaan, apil ang Daniel R. Aguinaldo National High School ang gi-assess sa ilang buhatan.

RadyoMaN Joel Viray