Davao City – Gipaningkamutan karon sa Department of Public Works and Highways (DPWH) XI nga ma-repair sa mas dali nga panahon ang Bailey bridge sa Taal St. Royal Valley Bangkal human kini temporaryong gisiradan sa mga motorista human kini nadaut tungod sa pagbaha.
Sa interbyu sa DXDC RMN Davao kang Dean Ortiz, spokesperson sa DPWH XI, gibutyag niini nga target sa departamento nga ma-repair ang maong naguba nga tulay sulod sa duha hangtud tulo ka semana.
“Sa karon, kining main road lang sa gyud diri sa Ulas ang atong gamiton samtang atoa pang ginapangitaan og paagi nga maayo dayon nato ‘tong damage nga portion didto. Ug among gina-commit nga amoa ‘tong maabrihan pag-usab in two to three weeks,” saysay ni Ortiz.
Nanawagan si Ortiz labi na sa taga South area sa syudad sama sa Toril, Ulas, Catalunan Pequeño ug uban pa nga gamiton usa ang mga alternatibong ruta tungod ug alang sa ilang segueridad samtang ginahimo ang pag-repair sa tulay.
RadyoMaN Kirby Manzon
