Sa interbyu sa RMN Davao kang Dean Ortiz, Department of Public Works and Highways (DPWH) XI spokesperson, tungod niini wala usa sila nagpahigayon og aktibidad o pag-repair man lang sa maong dalan.
Sumala ni Ortiz, giingong adunay fault line usab sa lugar ug nagpadayon ang ilahang obserbasyon karon sa apektadong porsyon.
Tungod aduna gihapoy hulga, giabisuhan ang mga residenteng namuyo sa lugar nga mubakwit samtang ang mga motorista didto usa sa mga alternatibong ruta muagi tungod sirado pa kini sa tanang klaseng behikulo.
Gibutyag ni Disaster Risk Reduction and Management Office (CDRRMO) chief Alfredo Baluran, tungod sa sagunson nga pag-ulan ug limestone ang yuta, nihumok ug nihuyang kini nga niresulta sa pagkabuak sa maong dalan.
Anaa sa lima ka balay ang nadamyos ug tulo ka mga pamilya ang apektado.
RadyoMaN Aimee Guinita
