![SAMAL.jpg](https://i0.wp.com/rmn.ph/wp-content/uploads/2023/05/SAMAL.jpg?resize=696%2C387&ssl=1)
Sa interbyu sa DXDC RMN Davao kang Dean Ortiz, tigpamaba sa DPWH-XI, gisulti niini nga nisang-at og Temporary Restraining Order (TRO) sa Korte Suprema ang pamilyang Rodriguez et al. batok sa pagtukod sa Samal Island-Davao City Connector (SIDC) Bridge Project.
Niadtong Pebrero 2023 sa dihang gipasaka sa kampo ni Rodriguez ang maong kaso, matud ni Department of Environment and Natural Resources (DENR)-Davao Regional Director Bagani Evasco atol sa regular session sa Davao City Council kagahapong adlawa, Martes, Mayo 16, 2023.
“Tinuod nga suspendido pero dili tungod sa TRO (kundili) tungod sa Road-Right-Of-Way… Natural ra man gud na sa atong mga proyekto nga kinahanglan nato i-suspend kung naay mga problema nga ingon ana, pero minimal lang kaayo na siya especially dinhi sa atoang proyekto,” tataw ni Ortiz.
Duhang sa DPWH-XI spokesperson nga magpadayon ang proyekto diin ginaapabot na lamang nga mapasa sa contractor ang detalyadong disenyo sa tulay ug ang pag-apruba niini sa DPWH.
RadyoMaN Kirby Manzon