Davao City – Gikumpirma sa Department of Public Works and Highways Davao Region, walay nadanyos nga mga imprastraktura atol sa nasinating pagbaha sa entero rehiyon onse niadtong miaging adlaw.
Sumala kang DPWH XI Spokesperson Dean Ortiz, subay sa ilang gihimo nga assessment, walay nadaot nga tulay ug kalsada nga ilawom sa nasudnong gobyerno nga mga proyekto, luyo sa nasinatiang pagbaha sa probinsiya sa Davao De Oro ug Davao Oriental.
Segun ni Ortiz, adunay mga nasudnong dalan sa Monkayo, New Bataan, Nabunturan sa Davao De Oro ug Lupon Davao Oriental ang wala maagii nunot sa pagdahili sa yuta o landslide, hinoon sa pagkakaron, passable na ang maong mga dalan human gipahigayon ang clearing operation.
Giklaro pa sa tigpamaba, adunay naguba nga tulay sa Brgy. San Isidro, Caraga, Davao Oriental, apan dili kini ubos sa nasudnong proyekto, inay iya kini sa lokal nga panggamhanan.
RadyoMaN Joel Viray
Facebook Comments
