Davao City – Plano sa City Government of Davao nga ipatuman sa tanang vaccination sites ang DQR vaccination scheduler alang sa mas dali ug hapsay nga sistema sa pagpabakuna batok Coronavirus Disease 2019 (COVID-19).
Matud ni Dr. Michelle Schlosser, Spokesperson sa Davao City COVID-19 Taks Force (sa interbyu sa city-owned radio) sa pagkakaron upat pa lamang ka vaccination hubs sa syudad ang nagagamit niini nga mao ang Magallanes Elementary School, F. Dizon Elementary School, Davao City National High School (DCNHS) ug GMall Bajada.
Diin naga-cater ang maong mga sites og 1,500 slots matag adlaw, samtang adunay 1,000 slots matag adlaw ang F. Dizon Elementary School.
“From these four (vaccination) sites, unta mapadaghan pa nato ang sites na mugamit aning Safe DQR nga scheduler. As of the moment, upat pa lamang ka sites ang atoang gina-pilot but then again, ang aim nato is to pattern this Safe DQR scheduler sa tanan natong sites,” sulti ni Schlosser.
Pinaagi sa DQR vaccination scheduler, mamahimong makapili og adlaw ug oras ang usa ka vaccinee alang sa iyang pagpabakuna.
RadyoMaN Kirby Manzon
