Ginkumpirmar ni Dr. Raul Banias, Mayor-elect sang banwa sang Concepcion sang nakaligad nga Mayo 13, nga eleksyon nga nag-file sang election protest batuk sa iya ang napierde nga si Vice-Mayor Rainier Balida.
Suno kay Banias nga na-raffle na sa RTC- Barotac Viejo ang ang nasambit nga kaso kag posible mahibaluan nila sa buwas ukon sa Lunes kon sin-o ang maga-uyat sang nasambit nga protesta.
Nahibaluan nga nagdaug si Banias batuk kay Balida kon sa diin nakakuha siya sang 10,106 ka boto samtang bakakuha naman sang 9,862 ka boto ang complainant.
Kadungan sini, ginkumpirmar man ni Banias nga maga-file man sila sang kaso nga Vote-buying batuk sa iya kasumpong.
Ini bangud sa malapnagon nga baklanay sang boto nga ginhimo sini sang panahon sang kampanya kag pila ka adlaw antis ang eleksyon.
Suno kay Banias nga ginatipon nila ang tanan nga ebedensya nga magapamatuod sang vote buying sa ila lugar.
