Davao City- Importante ang prevention, early detection ug self-examination aron malikay sa breast cancer.
Kini ang gisaysay ni Davao City Health Office (CHO) head Dr. Josephine Villafuerte atol sa interview sa DXDC RMN Davao diin sumala sa doktora og makabati nga nagasakit ang suso, kinahanglang magpa-check up gilayon aron matabangan ug matambagan og unsay angay buhaton aron malikay sa nasangpit nga sakit.
“Pwede sila magpunta sa Brgy. health centers pwede din sa main health centers kay libre man ang breast examination,” segun ni Villafuerte.
Subay niini, padayong kampanya sa CHO ug Department of Health kun DOH ang breast cancer awareness diin karong bulana, gipakusgan pa nila kini subay usab sa Breast Cancer Awareness Month gani gisuportahan kini sa Davao City government pinaagi sa pagbutang og dako nga pink ribbon gawas sa City Hall.
Dugang ni Dr. Villafuerte, subay sa Breast Cancer Awareness Month, ipahigayon nla ang breast examination gani duna usab cervical cancer screening karong umaabot nga Oktubre 12, 8AM- 12PM nga matigayon sa Davao City Recreation Center kun kanhi Almendras Gym dinhi sa syudad sa Dabaw.
RadyoMan Renelyn Barbarona
