Draftsman sang Polomolok Water District, patay sa riding in tandem

Patay sa pagpangluthang ang draftsman sang Polomolok water district samtang padulong ini sa iya trabaho pasado ala syete kaina sang aga sa Barangay Silway 8, Polomolok, South Cotabato
Ginkilala ni Police Senior Inspector Hernan Gabat Deputy Chief of Police sang Polomolok MPS ang biktima kay Elmer Escuadra, draftsman sang nasambit nga ahensya kag residente sang Silway 8 sa nasambit nga Banwa.
Sakay suno pa sa iya motorsiklo ang biktima halin sa ila balay padulong sa iya ginatrabahuan sa diin wala sini nadiparahan nga ginasundan na ini sang mga suspek, apang pag abot suno pa sa lugar nga gintabuan, gilayon ini nga ginluthang sang pipila ka beses sang wala nakilal-an nga mga suspetsado sakay sa wala matumod nga motorsiklo.
Samtang ginaestablishar pa nila tubtub karon ang ila sini imbestigasyon kun ano ang motibo sang mga suspetsado sa pagpangluthang sa biktima.
Dugang pa nya, narekober sa gintabuan sang krimen ang apat ka basiyo sang armas sa diin tatlo ang igo sang biktima sa lawas nga nangin tunaan sang hinali sini nga kamatayon.