Norway – Gin-anunsyar sang Department of Foreign Affairs nga hilway na ang 163 ka mga Filipino crew members nga kaupod sa na-stranded nga cruise ship sa kadagatan nga sakop sang Norway.
Suno sa DFA, kaupod ang amu nga mga Pilipino nga nagbulig sa pagsalbar sa mga pasahero sa nasambitan nga cruise ship nga Viking Sky.
Ginsiling naman ni Embassy Chargé d’Affaires Mariel Algabre nga personal nga ginsiling sa iya ni Viking Cruises Director of Operations Steward Coote nga gindayaw sang mga foreigners nga pasahero ang ginhimo sang mga Pinoy crew members sa ila evacuation.
Samtang ginpasalamatan man ni Norwegian Prime Minister Erna Solberg ang mga rescue workers kag volunteers nga nagbulig sa pagsalbar sa mga pasahero sang Viking Sky cruise ship.
Suno pa diri nga makabig nga “dramatic day” ang amo nga hitabo para sa mga pasahero kag rescue personnel.
Matandaan nga nagpadala sang distress signal ang Viking Sky matapos sini nga makabatyag sang problema sa makina bangud sa indi paborable nga panahon kag mabaskog nga balod.
