Drayber , gipusil patay

Patay ang usa ka lalaki human kini gipusil sa wala mailang suspetsado alas 2:45 ang takna sa kadlawon sa may Riverside, Barangay Tubod ning syudad sa Iligan.

Ang biktima nailang si Randy Velos, 35 anyos, ulitawo, usa ka driver, ug kanhi molupyo sa nasangpit nga dapit.

Naka angkon  ug igo sa tangkugo, ug pipila ka parte sa lawas ang biktima human kini gipusil gamit ang kalibre .45 nga pistola.


Ang suspetsado daling misakay sa usa ka motor, nga misibat sa wala matino nga direksyon.

Sa imbestigasyon sa SOCO, nakuha sa crime scene, ang upat ka basiyo sa kalibre .45 nga pistola.

Gidala ang patayng lawas sa biktima sa Capin Funeral Homes, samtang nagpadayon ang imbestigasyon sa kapulisan sa motibo sa nasangpit nga pagpamusil patay ug kinsa ang suspek nga mihimo sa maong krimen.

Facebook Comments