Sa interbyu sa DXDC RMN Davao kang Police Corporal Jeffrey Quiamzon, Traffic Investigator sa San Pedro Police Station, ipasaka ngadto sa piskalya ang kasong Reckless Imprudence Resulting to Homicide batok sa drayber nga si Efren Claud Cerona Jr., 43 anyos.
Matud ni Quiamzon, sa imbestigasyon ni-menor ang drayber human adunay mga upat ka mga unang nanabok sa pedestrian lane una pa man ang bata.
Segun niini sa CCTV footage posibleng na ‘blind spot’ ang bata tungod sa natabunan usab kini sa multicab nga tapad sa bus ug wala gayod kini nakita sa drayber.
Tungod sa impact sa bangga nabagnos ang biktima og anaa sa 7 ka mga tikang gikan sa probable point hinungdan nga nakahiagom kini’g multiple injuries ug gideklara usab nga dead on arrival sa Southern Philippines Medical Center.
Sa pikas bahin, nangayo’g pasaylo sa ginikanan ang drayber kay wala niini tuyua ang insidente.
RadyoMaN Aimee Guinita
