General Santos City – Patay sa gipahigayong anti-illegal drugs operation sa Regional Police Drug Enforcement Unit 12 ang usa ka Irish Lee Palabrica, alyas Ai-ai, hamtong ang edad, minyo, ambulance driver sa LGU Alabel og residente sa Doña Soledad Subdivision, Barangay Labangal sa may Espina Road sakop sa maong barangay.
Base sa inisyal nga imbestigasyon sa kapolisan, nakig-transaksyon ang usa ka poseur-buyer nga pulis ngadto sa suspek gamit ang 500 pesos na marked money.
Nakamatikod matod pa ang suspek na pulis ang katransaksyon og kalit mikuha sa iyahang pusil dayon pabuto ngadto sa kapolisan apan nabaslan og nakaangkon sa gunshot wounds sa kalawasan.
Gidala sa ospital ang nahisgutan suspek apan gideklarang dead on arrival sa doktor nga niatiman.
Sa crime scene narekober sa SOCO Team ang itum na motorsiklo gipanag-iyahan sa suspek, .45 caliber pistol na may mga buhing bala na gikaingong gagamit na armas ni Palabrica, itum nga gamayng bag unod ang 500 pesos na marked money, 51 ka gagmayng pakete sa gidudahang iligal na drogang shabu nagkantidad og kapin 35 mil pesos.
Gibutyag sa kapolisan na gikonsiderang anaa sa Level 1 High Value Target ang suspek nalambigit sa pagpayuhot og iligal na droga.
Apan gihingusgan sa pamilya sa nahisgutan nga dugay nang nagbag-o ang suspetsado pinaagi sa naangkon niyang probation sa iyahang kaso human siyang nadakpan ning nilabay lang.
CTTO : Kitz Rendon
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 120845739_3589335144460098_8187904195873786296_o.jpg]
