Drayber sa Kapa Alabel patay sa pagpamusil, Branch Manager Missing

689

GENERAL SANTOS CITY- Dead on the spot ang drayber sa Kapa (Kabus Padatuon) Alabel Branch Manager human gipusil sa nakamotorsiklo na armadong suspek pasado alas-3 sayo sa buntag adlawng Myerkules.
Giila ni Police Major Alex Lanestosa, hepe sa San Isidro Police Station ang biktima sa pangalang Bresnev Morada, 41 anyos, nagpuyo sa Poblacion, Santiago, Agusan del Norte og temporaryong nagpuyo sa Agan North Subdivision, Barangay San Isidro siyudad sa Gensan.

Nasayran nga gipusil ang biktima sulod sa gidraybang sakyanan nga Ford Ranger Raptor color itum og may plate number NDL 2796 samtang gilawig ang Purok Masagana, Brgy. San Isidro.
Gipusil ang biktima sa nag-atang nga suspek sakay og motorsiklo og nahagbong ang pick up sa irrigation canal human iyang gipa-atras.
Sa post mortem examination sa biktima adunay samad pinusilan sa walang bahin sa ulo ug nawong kining naangkon ingon man may samad sad kini sa iyang walang bahin sa bukton.
Gidugang ni Major Lanestosa, nakarekober ang imbestigador sa SOCO Team og piyo ka fired cartridge case sa .45 caliber pistol ug duha ka live ammunitions sa 5.56 nga takdang ipaubos sa ballistics examination samtang ipailawom usab sa trajectory examination ang sakyanan.


Padayon usab nga nangalap og impormasyon ang San Isidro Police Station kabahin sa gikaingon nga gi-snatch paingon sa laing sakyanan ang babayeng manager sa Kapa Alabel Branch nga kuyog sa biktima dihang nahitabo ang krimen.
Apan sumala sa nakadungog nga ginang itago lang sa pangalang Mayet, nadunggan niya ang buto sa armas.
Gipugngan usab silang makagawas sa balay human gibaharan sa suspek aron dili madamay sa pagpamusil.
Nadunggan sab ni Mayet ang gisulti sa usa sa mga suspek na “sigurohin ang
babae”.
Gipasakay dayon sa mga suspek ang babaye ngadto sa laing SUV.
Sa karon dili pa masulti sa kapolisan kung adunay abduction nga nahitabo tungod walay nakakita sa maong insidente.
For more info’s and updates, like and share our official facebook account : www.facebook.com/ifm91.9Gensanofficial/

[image: driver sa kapa.jpg]

Facebook Comments