Patay na nga nahidagangat sa balay tambalanan ang nagmaneho sa motorsiklo human kini nabanggaan sa four wheel vehicles niadtong nakalabayng adlaw mga 2:00PM didto sa dalang nasyunal, Sitio Patunan, Brgy. Pob. Manukan.
Subay sa taho sa kapulisan sa Manukan, nabanggaan sa ford excursion kolor puti, nagtangag sa plaka numero XBR 368 nga gimaneho ni Nellas Tiu Segundino Jr., 52 anyos nga taga brgy. Disakan sakop sa maong lungsod, maayong pagkabalintong sa single motor Rusi nga gimaneho ni Jhonnel Mayuela Lumanda, 24 anyos, molupyo sa Sitio Matam, Brgy. Upper Disakan, Manukan.
Dugang pa, gibutyag sa kapulisan nga ang motorsiklo nagbyahe kini gikan sa Brgy. Disakan padulong sa Pob. Manukan nga kung diin kargado kini sa Upat ka sako sa Copra, apan ang drayber nawad-an kini ug control nga miresulta na hinuon sa pagka bangga sa nagpadulong nga Ford.
Gisulayan pa unta kini ug dala sa balay tambalanan ang drayber sa motor apan gibugtu-an na kini sa hinulaman niyang kinabuhi. Samtang ang dyraber sa Ford boluntaryo kining mitahan sa Manukan MPS ug ang duha ka mga sakyanan anaa sa kustodiya sa kapulisan sa maong lungsod alang sa tukmang disposasyon.
