Drayber sa nabanggang motorsiklo, daling gidala sa ospital

Gidala sa ospital pinaagi sa Oro Rescue ang sakay sa usa ka motorsiklo nga nibangga sa Isuzu D-Max sa OsmeƱa – Florentino Streets ning syudad kaganihang buntag.

Ang driver sa motorsiklo mao si Ronie Ramonida, 27 anyos taga Ramonal Village, Camaman-an ning syudad ug trabahante sa usa ka mall.

Samtang ang driver sa Isuzu D-Max nailang si Jose Soriano ug gibutyag niining walay suga ang nabanggang motorsiklo.


Matud usab ni Elizabeth Soriano, asawa sa driver sa D-Max nga kusog kaayo ang dagan sa motorsiklo nga nibangga sa ilang sakyanan.

Samtang gibutyag usab sa driver sa motor nga wala matud pa nisinyas ang sakyanan nga moliko sa area.

Ang maong insedente gi-imbestigahan na sa kapulisan.

-o0o-

By: RadyoMaN Annaliza Amontos-Reyes

Facebook Comments