[image: road-accident-rep-image.png]
Patay ang usa ka SUV drayber nga giila sa pangalang Julius Gallares 25 anyos residente sa 6th Street, Soriano Subdivision, Barangay City Hieghts.
Kini human nabunggo sa punoan sa kahoy sa may diversion road sa Barangay Sinawal gahapon sa hapon.
Matod sa traffic investigation sa Traffic Management Unit gimanihuan sa drayber ang puti nga Toyota Fortuner og gilawig ang diversion road sa Sinawal og paspas ang pagpadagan niini moabot og 150 kilometers per hour dihang na-overshoot sa shoulder sa maong dalan.
Gisulayan nga ma-rescue sa mga sakop sa CDRRMO og BFP-EMS ang biktima gikan sa pagka-ipit sulod sa driver side sa SUV.
Nakaangkon og severe head injury ang biktima nga gidali pagdala sa Mindanao Medical Center apan gideklara kining dead on arrival.
