Balay tambalanan ang gidangatan sa duha ka biktima sa nahitabong aksidente didto sa dalang nasyunal Brgy. Pob. Lungsod sa Siocon partikular mente sa intersection sa Quezon Ave. ug Tomboc St.
Kini ang ge respondehan sa kapulisan sa Siocon human nakadawat ug taho gikan sa nagpakabanang lungsuranon.
Gilangkuban kini sa duha ka behikulo nga Rusi Motorcycle, gimaneho ni Samer Musaddin, 23 anyos, nagpuyo sa Brgy. Bucana, Siocon, uban usab niya ang iyang angkas nga si Marhad Musaddin.
Samtang ang mibangga sa Single motor mao ang kolor pula Mitsubshi Strada Pick-Up, nagtangag sa plaka numero TEI 876, gimaneho ni Dave Christian Alga, 20 anyos, molupyo sa brgy. Pob. Siocon.
Subay sa impormasyon nga nakuha sa kapulisan samtang naglawig sa dalang nasyunal ang single motor padulong sa amihanng direksyon. Pag abot sa lugar nahitaboan aksidente kining nadasmagan sa Strada Pick-up nga kung diin nagbyahe usab kini padulong sa sidlakang direksyon.
Ang duha ka biktima nga sakay sa motorsiklo naka angkon kini ug mga pangos sa nagkadaiyang nila kalawasan.
Sa pagkakaron tanggong pa Siocon MPS ang duha ka mga behikulo samtang padayon pa ang ilang ginahimong imbistigasyon.
