![Dream-Team](https://i0.wp.com/rmn.ph/wp-content/uploads/2018/12/Dream-Team.jpg?resize=696%2C522&ssl=1)
Roxas City, Capiz- Kasado na ang tandem sa tunga nanday Vice Governor Esteban “Nonoy” Contreras kag former Governor Victor Tanco Sr.
Ini matapos ang ginpatigayon nga press conference sang mga katapo sang Partido Demokratiko Pilipino – Lakas ng Bayan ukon PDP-Laban kahapon nga adlaw kun sa diin gintambongan ini sang mga kandidato nga nagapapili sa 2019 election.
Ginsiling ni Mr. Essex Quintia nga amu ang provincial chairman sang PDP-Laban nga may posibilidad nga adoptahon sang partido si Vice Governor Nonoy Contreras nga nagapadalagan sa pagka-gobernador bilang independent.
Bangud sini, ginakabig niya nga “dream team” ang tandem nanday Contreras kag Tanco.
Sa madumdoman sa una nga interview sang dyVR kay former Capiz former Governor Victor Tanco Sr, ginkumpirmar sini nga ginapangaluyagan sa subong sang PDP-Laban si Vice Governor Nonoy Contreras kag anuman nga adlaw humalin subong posible nga ini ang magasumpa na bilang kaalyado sang PDP-Laban.