Davao City – Walay laing katuyuan ang kagamhanan sa kamandoan niini nga mas pahugtan pa ang pagpatuman sa ‘dress code’ apan kaluwasan lamang sa mga motorista nga nagabiyahe sa mga kadalanan.
Gipabot ni Department of Transportation (DoTr) Assistant Secretary Elvira Medina nga walay tumong ang gobyerno nga wad-an og katungod ang mga motorista sa unsay gusto nilang i-prepara una magbiyahe.
Apan buot lang sa gobyerno nga madisiplina ang mga motorista sa paggamit og safety gear sama sa helmet ug pagsuot og saktong sapot ug sapatos isip proteksiyon sa mga disgrasya.
Sanglit prayoridad ug obligasyon sa kagamhanan ang kaayohan ug kaluwasan sa iyang katawhan diha sa mga pagbiyahe nga kun ugaling dili malikayan ang disgrasya at least protektado bisan pa og unsa kakusog ang impact sa bangga.
Sa matag sa digrasya nga madala sa mga pampubliko ug pribadong ospital ang sagad ginaduolan sa mga kabanay sa mga biktima ang gobyerno aron dunay ikabayad sa tambalan ug pangpalit og tambal.
Gipahingusgan pa ni Medina nga dapat lang dili magmagahi ang mga motorista sa pagsunod sa Kaman-doan ug sa balaud trapiko aron mabuhi pa og dugay ug makauban sa taas nga panahon ang ilang mga pamilya.
Duna matud pa’y dakong kahigayonan nga magkasakit og skin cancer, ug ma-heat stroke ang mga moto-rista nga magsuot lang og sando, mag-tsinelas, ug helmet tungod sa grabe kainit sa panahon karon, ka-tapusang pamahayag ni Medina.
RadyoMaN Joel Viray
