drills na maga lugar flood prone areas y tsunami area debe concentra segun na OCD IX

11

Zamboanga City- Ya presenta el Director Rehiyonal del Officie of Civil Defense o OCD Leoncio Cirunay iho cun maga programa que ta impuha el diila ahencia para dale el bastante impormasyon conel publico , tiene que ase con maga calamidad que ya socede na rehiyon donde ya afecta el maga lugar baho na Zamboanga Peninsula del 2017 .

Ya dale mira importancia si Cirunay el ayuda de maga prensa na diseminacion del impormasyon del diila programa durante el press conference que ya conduci na LM Hotel enantes aga .

Ya habla si Cirunay donde el mas reciente incidente ya ocuri na Zamboanga Del Norte que ya afecta con el Tifun Vinta , donde manada maga leksyon el cosa debe aprende na incidente despues el maga area que nuay recivi el maga impormasyon amo aquellos maga isolated area como el Barangay Anungan .

Si Cirunay ya habla siendo ta kambya ya el direksyon del maga tifun , donde ta afecta ya este mucho na Mindanao , mas debe ya segun sila conduci maga trainings o drills na maga lugar considerao como el flood prone area o prone na tsunami paraber ay keda acustumbrao el maga hente na diila psychomotor que si habla evacua sabe ya estos cosa debe ase .

El diila programa Zero Casualty ya habla si Cirunay que hinde pronto obtene pero hinay hinay ta ensinia con maga hente el maga manera cosa debe ase posible llega el tiempo ay puede coneste realiza el tiempo tiene maga calamidad.

Si ta acorda el soceso del pasao anyo na Tifun Vinta que ya causa el muerte del maga inocente persona , este porcaosa el impormasyon que debe recivi estos nuay kanila llega maskin ya ase ya espuerso el maga ahencia concierne para imporma .

Facebook Comments