SALVADOR BENEDICTO, NEGROS OCCIDENTAL – Patay ang driver sang isa ka cement mixer kag patay man ang 5 ka mga baboy matapos nadalahig sa natabo nga bungguanay kahapon sang hapon sa banwa sang Salvador Benedicto, Negros Occidental.
Nakilala ang biktima nga dead on the spot nga amo si Joebert Cacho, 35 anyos, pumuluyo sang ciudad sang Bacolod kag driver sang cement mixer nga ginapanag-iyahan sang Silver Dragon Construction.
Suno sa Salvador Benedicto Municipal Police Station nga ang insidente natabo may mga las 3:45 kahapon sang hapon sa area sang Brgy. Igmayaan, Salvador Benedicto.
Base sa imbestigasyon, ang cement mixer nga gina-maneho sang napatay nga driver ang naga agi sa dulhugon nga bahin kag sang gintinguhaan sini na mag-liko didto kag nabungguan sini ang isa pa gid ka salakyan kag ang isa ka bahin sang balay kon diin nadalasa pa ang 5 ka mga baboy./dyHB BACOLOD
