Davao City – Hatagan ug igong proteksyon ang i-hire nga mga dislocated drivers sa dihang himoon silang mga ‘contact tracers’ sa gobyerno sa mga gikatahapang nataptan sa fatal virus nga hangtod karon wala pay nadiskubrehang vaccine kun bakuna.
Sa interview sa morning primetime radio social commentary program ‘Straight to the Point,’ gibutyag ni Davao City Third District Councilor Conrado Baluran, chairperson sa Sangguniang Panglungsod (SP) Committee on Transportation nga usa ka dakung oportunidad kini ilabi na alang sa mga drivers nga wala makabenepisyo sukad masukad sa TUPAD Program sa gobyerno aron adunay kita ning panahon sa COVID-19 crisis.
Gitino ni Baluran nga kung mahinayon kini, angay nga segurohon gayud nga kadtong i-hire kumpleto sa depensang panglawas,, may igong kahibalo ug kahimatngon sa health protocols, walay mga balatian nga gihambin ug anaa sa hustong pangedaron.
RadyoMaN Bernard Pantallon
