Labangan, Zamboanga del Sur – Kasong paglapas sa Sections 5 ug 12 sa RA 9165 kun Comprehensive Dangerous Drugs Act of 2002 ang kasong paga-atubangon sa suspetsado kinsa malampusong nasikop sa kapulisan sa Labangan ug sa PDEA 9 alas 6:30 kagabie nga naaktuhang namaligya sa ginadiling droga pinaagi sa Buy-Bust/Entrapment Operation sa PurokMalipayon, Barangay Bulanit, Labangan, ZDS.
Ang dinakpan ang nailang si Zacarias Anas Mowa alyas “Pakyaw”, 29 anyos, minyo usa ka, driver ug residente sa Purok 3, Brgy Tapodoc, Labangan, Zamboanga del Sur.
Nakuha sa possession ug control sa suspek ang duha ka gagmayng pakete sa gitoohang shabu, duha kabook nga nilukot nga aluminum foil ug ang 500 pesos nga marked money.
Ang dinakpan ang kasamtangang balhog na sa Labangan MPS samtang ang mga nakumpiskang butang ang gidala na sa Crime Laboratory alang sa tukmang pagpahimutang niini.
