Davao City – Midangop sa Sta. Ana PNP ang usa ka trisikad operator nga si Jackson Pantiluna, 25 anyos, residente sa may R. Castillo, Agdao tungod kay gikawat iyang trisikad nga iyang gi-parking gawas sa iyang panimalay.
Sumala sa complainant nga bandang alas 8:00 sa gabii niadtong Sabado, nakalimtan niya og trangka ang iyang trisikad atol sa iyang pag garahe apan sa iya na untang drayban ang iyang trisikad bandang alas 5:00 sa kabuntagon kagahapon, nawala na kini.
Nabalaka pag-ayo ang maong complainant ilabi na nga wala siyay laing kapanguhaan og panginabuhian kundili ang pagdrayb lamang og trisikad.
Bisan asa na miabot sa pagpangita ang complainant ug wala gayud kini makita hinungdan nga nagpakitabang na lang siya sa kapulisan Sta. Ana.
RadyoMaN Paul Canono
