Compostela Valley Province – Nadala sa hospital ang habal-habal driver human gipusil sa wala mailhing suspetsado alas 5:40 sa hapon sa Purok 5, Sitio Lubog, Brgy. Ngan Compostela, Comval Province.
Biktima nailang Andro Macapas, 36 anyos, ulitawo, driver, residente sa nahisgutang lugar.
Sumala sa report sa Compostela Municipal Police Station, samtang nagmaneho sa iyang motorsiklo kalit gipusil sa wala mailhing suspetsado tumong sa abaga.
Daling gidala sa tambalanan ang biktima samtang suspek daling misibat palayo.
Wa pa masayri kung unsay motibo sa pagpusil sa biktima kay gi-imbestigahan pa sa kapolisan.
RadyoMaN Jules Catisay
Facebook Comments
