Driver gipusil sa lungsod sa Vincenzo Sagun

Vincenzo sagun, Zamboanga del Sur – Samaran ang 37 anyos nga driver human kining gipusil sa wala mailang suspetsado didtong dapita sa Purok Sampaloc, Barangay Lumbal, Vincenzo Sagun, Zamboanga del Sur niadtong nalabay nga gabii.
Giila ang biktima nga si Edgar Serbito, residente sa nahisgutan nga lugar.
Sa inisyal nga imbestigasyon nasayran nga gipusil ang biktima samtang gipahiluna niini ang motorsiklo nga gimaneho.
Daling gidala ang biktima sa Margosatubig Regional Hospital, Poblacion Margosatubig, Zamboanga del Sur alang sa dinalian nga medikasyon.
Naglusad sa makuti nga imbestigasyon ang Vincenzo Sagun Municipal Police Station alang sa pasuta sa motibo sa pagpamusil ug lakip nga gipaninguha ang pagdakop sa suspetsado.

Facebook Comments