Davao City – Gitabangan ug dungab ang usa ka driver nailang Bernabe Montenegro Candia taga Colonan Matti, Digos City, Davao del Sur.
Sa report gikan Sta Ana Pnp nahitabo ang pagdunggab pasado alas 4:00 sa kaadlawon didto sa dalan R.Castillo ning siyudad diin kalit matud pa giduol ang biktima sa tulo ka wa mailhing batan-on dayon gitabangan ug luba tumong sa nagkadaiyang parte lawas.
Daling nangayo ug tabang sa kapolisan ang mga residente sa nahisgutang lugar ug gilayon girespondehan sa mga sakop sa kapolisan ug police auxillary apan wa na maabti ang tulo ka suspek tungod paspas kining misibat sa wa masayring direksiyon.
Daling gidala Sta Ana Pnp ang biktima ug gitambalan sa mga medics team sa 911 diin nakangkon og tulo ka samad sa ulo,usa sa likod ug duha ka igo sa tuong bukton.
Ang biktima gidala na Southern Philippine Medical Center aron tambalan.
Base sa impormasyon, posibleng natripan lang ang biktima sa mga batan-on.
Kapulisan sa Sta Ana naglusad na og imbestigasyon aron maindentipika ug masikop ang tulo ka mga suspek nga midunggab sa biktima.
RadyoMan Don Pulayao
