Davao City – Arestado sa Task Force Davao checkpoint sa may Sitio Licanan, Brgy. Lasang, Bunawan District ang driver ug helper sa usa ka puti nga Wing Van nga anaay Plate # 412 gikan pa’g Cebu City.
Sumala sa Task Force Davao nga atol sa inspeksyon namatikdan ni CAA II Daniel Mayagma nga adunay usa ka improvised nga glass tube sa lingkuranan sa maong truck ug didto na girekisa og taman ang gisakyan sa maong mga suspek.
Positibong nakuha sa kasundaluhan sa posisyon sa mga suspek nga sila Hegging F. Adajar, 35 anyos, residente sa SIR Phase 2 Matina ug Malvin Dura Arabiana, 32 anyos ug taga-Brgy. Ula, Tugbok Dist., Davao City ang usa ka pakete sa shabu nga nagkantidad og P1500.00.
Priso ang mga suspek karon sa Bunawan PNP ug gipasakaan og kasong may paglapas sa RA 9165.
RadyoMaN Aimee Guinita
