Davao City – Patay ang usa ka driver human nabangga ang gidrayban niining motor sa usa ka concrete wall nahitabo bandang ala 1 kaganinang kadlawun sa Tigatto, Buhangin ning syudad sa Davao.
Sa report sa Buhangin PNP, naila ang biktima nga si Heaven Mae Manlucob, hingkod ang edad.
Sa imbestigasyon sa kapulisan, nanghiram matud pa og motor ang biktima sa iyang higala tungod adunay paliton sa Milan apan pag abot sa may Tigatto, wala matud pa na-control sa biktima ang manebal ug mibangga sa concrete wall diin sa kakusog sa impact, nakahiagom kini ug grabeng bun-og ug samad posibleng hinungdan sa kamatayon.
Gisulayan pa og salbar sa Central 911 ang biktima apan gideklara na kining patay.
Ang patayng lawas anaa na morgue samtang ang kapulisan mihimo na og dugang pagpanubay sa maong insidente.
RadyoMaN Renz Barbarona
