Nadakpan ang usa ka driver kagahapon sa hapon tungod sa pagpamaligya og marijuana. Kini atol sa gilusad nga anti-illegal drug buy bust operation nga gilusad sa mga operatiba sa City Drug Enforcement Unit kon CDEU diha sa Brgy.Iponan ning syudad sa Cagayan de Oro.
Naila ang dinakpan nga usa ka 29 anyos nga si Lyndon Maagad, driver nga ulitawo og helper usab sa usa ka glass installation company nga taga Camanse St., Zone 4 sa nasangpit nga Barangay.
Napalitan sa usa ka zip sealed sachet kon tea bag nga dunay sulod sa pinaugang dahon sa marijuana ang suspek nga balor 500 pesos nga maoy hinungdan sa pagka-aresto ni-ini.
Ang maong operation gipangulohan ni PCapt. Mike Dioren Cavan alayon na sa TSC-RMFB10 nga gipangulohan ni PMaj. Excyllo Alcantara ug sa RDEU10 nga gipangulohan ni PMaj. Jason Sto Domingo.
Atol sa pagrekisa, nakuha pa ang laing 5 ka mga zip sealed transparent sachet kon tea bag nga dunay sulod sa mga pinaugang dahon sa marijuana. 500 peso bill nga ginamit isip buy bust money. Ecobag kung diin dinhi ni-ini gipangsulod ang mga kontrabando nga nakumpiska gikan sa iyang posisyon. Lakip nga nakuha ang iyang cellphone nga maoy gituhoang ginagamit ni-ini nga pagtransact sa mga iligal nga mga kalihokan ni-ini.
Gibana-banang motimbang sa 36.4 grams ang tanang nakumpiskang kontrabando gikan sa suspek nga dunay street value nga moabot ngadto sa 8,000 pesos.
Gidala gilayon sa mga operatiba sa CDEU ang suspek aron sa pagkustodiya sa Maharlika Detention Cell samtang giandam na ang tukmang kaso nga atubangon ni-ini ngadto sa korte.
Kasama mo sa CDEU, RadyoMaN Andy Coco, DXCC Tatak RMN!
