Davao City – Kritikal ang kahimtang sa usa ka lalaki human nadisgrasya ang iyang gi-manehoan nga single nga motorsiklo human nadala sa Malita District alas 6:00 kagabii nahitabo sa Barangay Tingulo Malita, Davao Occidental.
Sa report gikan sa Malita District Hospital, naila ang biktima usa ka Larry Patrecion Balandan, 22 anyos, residente sa Barangay Calian lungsod sa Don Marcelino.
Sumala pa samtang iyang gimaneho ang iyang 125 nga Neoro motorsiklo, kalit kini nawad-an og preno hinungdan nga wala na makontrola sa biktima sa kakusog sa dagan nga miresulta sa pagkabunal sa iyang ulo.
Human sa panghitabo daling gitabang ug gidala ang driver sa Malita District Hospital apan kagabii gideklara sa mga attending physician nga i-refer kini sa Southern Philippine Medical Center sa dakbayan sa Davao.
RadyoMaN Don Pulayao
