Davao City- Walay nakit-ang foul play ang kapolisan sa Toril sa ilang imbestigasyon sa paghikog patay sa usa ka driver sa ilang pinuy-anan sa Barangay Crossing Bayabas, Toril syudad sa Davao.
Sumala sa imbestigasyon, ala 1:35 ang takna sa hapon kagahapon nadiskobrehan sa anak sa biktima nga nagbitay na sulod sa ilang sala si alyas Romeo, 56 anyos, PUJ driver nga nakapuyo sa nasangpit nga lugar.
Gitabang pa sa iyang tagtungod si Romeo tungod kay nagginhawa pa kini ug daling gihatod sa tambalanan apan sa di nadugay nakabsan ra usab kini sa iyang kinabuhi. Matud pa, natuok pag-ayo ang liog human iyang gihigtan sa extension wire nga miresulta sa iyang kamatayon.
Una niini, matud pa sa iyang pamilya, kanunay ng ginasulti ni Romeo nga gikapoy na siya sa iyang kinabuhi diin mao usab ang gituhoang hinungdan kung ngano kini naghikog.
Kasamang Erin Lumosbog
tags: Mindanao, Davao City, DXDC, DXDC 621, Erin Lumosbog, Unang Radyo Unang Balita, Toril PNP
