TACLOBAN CITY – Nahingaturog an driver ini an rason kun kayano naaksidente an usa nga van ha Motiong, Samar kasangkulop.
Mayada sulod nga 14 nga pasahero an van nga nabunggo ha puno hiton mangga.
1 iton on the spot nga patay ngan 13 iton samaran.
Sumala han Motiong PNP, ginkilala an driver nga hi Elmer Tagualan Bisaya ngan patay naman an misis hini nga hi Arlene Jane Masangcay Malalang.
Ha imbistigasyon han mga otoridad, tikang ha Matnog going to Tacloban City an van ngan ha kakalsadahan hiton Motiong nahingaturog an driver.
Sumala kan PSInsp. Nino Cabanas, Officer-In-Charge han Motiong PNP, pagmata han driver tibunggo na hira ha puno hiton mangga, ilabi na daw nga madalunot iton kalsada.
“Pagmata niya mayada gutiay nga kahoy nalampasan man ini pero tungod han madalunot nga kalsada na-out of control ngan dumeretso ngadto ha puno hiton mangga.”
Mayada samad ha ulo an driver pero ha pagka yana stable na an kabutang hini ngan an iba pa nga pasahero sulod han van.
Nagkasabot naman an driver ngan mga pasahero nga diri nala kasuhan ini ngan hiya nala iton mabaton han ngatanan nga medical expenses.
Sagdon ni PSInsp. Cabanas, magbibiyahe ngani siguraduhon nga nakatutok ha dlan iton imo mata ngan kun ginkakapoy man siguraduhon liwat nga may saliwan nga magdadrive hiton imo bihikulo para malikayan iton disgrasya.
