Roxas City, Capiz – Masuwerte nga wala matuhog sang butong ang isa ka lalaki matapos nga aksidente nga nabunggo ang ginamaneho sini nga traysikol sa nagapondo nga truck sa national highway sang Barangay Loctugan, Roxas City. Nakilala ang driver sang traysikol kay Berting Bofil, residente sang Barangay Linao, Panay, Capiz. Nadiskubrehan man nga ini ang yara sa impluwensya sang makahulubog nga ilimnon. Suno sa pahayag sang driver sang truck nga si Rene Darondon, 41-anyos sang Barangay Mainit, Cuartero, Capiz nga nagpondo ang mga ini sa nasambitan nga porsyon sang dalan agud nga kuntani magpanyapon. Bangud sa kahulogbon, posible nga natagpilukan si Bofil kag wala sini gilayon makit-an ang nabutang nga early warning device gani nga nabunggo ini sa naka-park nga truck.
