Davao City – Patay nang nakaplagan ang usa ka driver sulod sa usa ka carwash sa may Monteverde St., Brgy 27-C, siyudad sa Davao.
Sa report gikan Sta. Ana PNP naila biktima nga usa ka Jolan Laureno, 30-anyos, netibo nga taga-Brgy. Barurao Lebak, Sultan Kudarat.
Sa imbestigasyon nga gilusad, nahinabi sa kapolisan ang helper sa biktima nga si Jenard Espanola diin iya kining nakit-an alas-11:00 sa gabie nga nagtan-aw pa og TV una paman nisulod sa iyang sakyanan aron didto magpahuway apan alas-5:30 sa buntag napalgan na nga nagbuy-od ang biktima diin gisuwayan pa og pukaw apan wala na kini naglihok.
Sa dihang gipareview ang CCTV camera nasayran nga ala-1:48 sa kaadlawon naghigda ang biktima niadtong tungora apan iyang gigunitan ug gihikap ang iyang dughan ug nahulog kini sa iyang gihigdaan.
Sumala sa kapulisan, posible nga gi-atake ang biktima sa balatian diin nasuta nga walay foul play ang kamatayon niini.
Ang patay’ng lawas sa biktima gidala na sa Angel Funeral Homes ning dakbayan diin kini ipailawom sa awtopsiya.
RadyoMan Don Pulayao
