Driver nasangit sa wire sa kuryente

Wa nagdahum si Judece Marie Machete nga mao ni ilang madangatan sa iyang uyab nga itago lang nato sa pangan nga Juan. Grabeng samad sa tiil, tuhod, bukton ug liog ang nahiagom nila labi na sa iyang uyab nga maoy ga-drive sa motor.

Nahitabo ang aksidente sa may lungsod sa San Francisco nga sakop sa Isla sa Camotes niadtong Nobyembre 2 sa gabii. Gikan og simbahan ang duha ug padung na unta mouli sa ilang panimay sa dihang nadisgrasya sila.

Nikalit lang kuno og kahulog ang live wire sa usa sa mga linya sa kuryente sa maong lugar samtang milabay ang duha. Suma pa sa mga lumolupyo sa maong lugar nga taudtaud nang galaylay ang maong wire apan wa ray mi-care og patarong o sumbong niini sa hingtundan.


Nagpasalamat si Judece nga puro pangos lang ilang nadawat ug sakit sa kalawasan. Apan na-grabihan gyud ang liog sa iyang uyab. Maong mi-reklamo siya sa hingtundan ug suma pa sa kadagkoan niini nga sala sa mga tagbalay nga duol sa maong wire nganong wala mi-report sa ilaha.

Sa inyong tan-aw idol, naa ba gyuy dapat panagutan ang hingtundan sa maong lugar? O sakto ang ingon sa hingtungdan nga sala sa tagbalay ngano wala gi-report ang milaylay na nga wire?

Facebook Comments