Dahil sa hindi pagkakaunawaan sa dinadaang kalsada ay isang driver ng multicab ang pinagbabaril hanggang sa mapatay kahapon ng hapon sa bayan ng Talitay Maguindanao.
Kinilala ang biktima na si Alimudin Guiamadel Lidasan 32 anyos at nakatira sa Barangay Tugal sa bayan ng Datu Anggal Midtimbang sa Maguindanao.
Sa salaysay ni Police Sr. Inspector Maximo Gerodias, hepe ng Talitay Pnp nagkasalubong sa isang one lane road ang multicab na minamaneho ni Lidasan at tricycle sa nabanngit na lugar. Dahil sa ayaw magbigayan ng espasyo ay bumaba ang biktima lumapit sa driver ng tricycle at dito na siya binatil ng dalawang beses ng pasahero ng tricycle hanggang sa bumulagta ang biktima. Mabilis namang tumakas ang suspect na ngayon ay patuloy na pinaghahanap ng kapulisan.
Sa ngayon ay nagpapatuloy ang isinasagawang imbestigasyon ng Pnp sa insidente.(Amer Sinsuat)
