Davao City – Nasikop sa mga personahe sa City Transport and Traffic Management Office ang usa ka taxi driver human giturn-over sa kapolisan sa San Pedro tungod nakalapas kini sa balaud trapiko ug nadiskobrehan nga peke ang PUV identification card niini.
Nahitabo ang pagpanakop alas 5:30 sa hapon didto sa dalan Bajada siyudad sa Davao.
Base sa report gikan sa San Pedro Pnp ang taxi driver mao si Yolde Manulat Deneiga, 51 anyos nagpuyo sa San Nicholas Waling-waling St. Buhangin Davao City.
Dugang sa blotter samtang nagduty ang mga personahe sa CTTMO sa nahisgutang lugar kalit ni u-turn ang maong taxi driver nga dunay plaka numero nga WSI 363 hinungdan gipahunong kini sa mga traffic enforcer ug didto gipangayoan og ID.
Sa di madugay giangkon sa drayber nga peke ang ID niini ug iya lang kining gipahimo sa may Magallanes hinungdan gisikop ug giturn-over kini sa San Pedro Pnp.
Sumala ni Sr.Police Officer 1 Rechee Paul Luzano ang imbestigador sa San Pedro PNP nga mag- atubang og kasong Falsification and Public Document diin karong adlawa i-file na ang kaso batok sa dinakpan.
Sa karon under custody na sa buhatan sa San Pedro PNP ang naasoy nga Taxi driver.
RadyoMaN Don Pulayao
