Davao City – Natikangkang ang usa ka driver sa motorsiklo human kini na hit-and-run sa usa ka motor bandang alas 11:20 sa kagabhion.
Ang biktima mao si John Rey Animos Sulapas 21 anyos ug residente sa Purok 25 New Peoples Village Maa ning siyudad.
Matod pa, sa dihang iyang gilatas ang dalang San Rafael sa Barangay 10-A ug nahiabut siya sa kanto Jacinto Ext. ug Doña Vicenta kalit siyang gibanggaan sa usa ka wala mailhing motor hinungdan sa iyang pagkasukamod.
Mihunong ang maong driver ug nagtuo ang complainant nga makig areglo ug makig husay kini apan midiretso ang pagpadagan sa driver sa maong motorsiklo.
Nadamage ang motor sa complainant ug ginasubay pa ang damyos niini samtang nakuhaan usab ug plate ang motor nga nakabagangga nga IS 69352.
Ang maong insidente gipasa na ngadto sa Land Transprtaion Offce ug naka alarm na ang motosiklo na naka hit and run sa biktima.
RadyoMaN Paul Canono
