Davao City – Patay ang usa ka driver human naligsan sa ginaayo niini nga usa ka fuso jitney nga dunay plate number Lvr 881 nahitabo alas 3:30 sa hapon sa Purok1-A Sto. Niño, Bunawan district siyudad sa Davao.
Sumala sa report gikan sa Davao City Police Office, ang biktima naila sa pangalan nga usa ka Policarpio Saluparan Jr., 47 anyos, residente sa Km. 12 Bolinao Site, Sasa, Davao City.
Sa inisyal nga imbestigasyon nga gilusad sa kapulisan sa Bunawan PNP samtang nag-ayo ang biktima sa gidrayban niini nga trak, aksidenteng na-release ang gigamit nga jack hinungdan midagan ang maong sakyanan resulta nga naligsan ang biktima.
Gisuwayan pa og tabang ang biktima sa 911 response team apan gideklara na kining wa nay kinabuhi.
Sa karon, padayong naglusad og imbestigasyon ang Bunawan PNP sa maong insidente.
RadyoMaN Don Pulayao
