Davao City – Gipasakaan na og kasong reckless imprudence resulting in homicide with multiple physical injuries and damage to property sa Bunawan PNP batok sa usa ka driver nga si Renante Libunao Anaba, hingkod ang edad, nagpuyo sa may Eagle’s View Village, Brgy. Ilang siyudad sa Davao.
Kahinumdoman niadtong milabayng adlaw ala-1:07 sa hapon nagsungag ang iyang gi-drayban nga Suzuki multikab sa laing TMX single motorsiklo nga gimanihuan sa usa ka Arnold Hernando, 27 anyos, nagpuyo sa San Rafael Domsat Road Malfori ning syudad.
Hinungdan nga dead on arrival nga nadala sa Southern Philippines Medical Center (SPMC) ang driver nga si Hernando lakip angol ang angkas nga si Villializa Patalinghog ug ang upat ka mga commuters sa pamilyang De Arci nga mao sila si Richard De Arci (51 anyos), Rebecca De Arci (48 anyos), Angela De Arci (13 anyos) ug Rebecca Mise (59 anyos), samtang nag atang og PUJ niadtong tungora.
Sa karon padayon pang gitambalan sa SPMC ang mga naangol ug balhog na sa Bunawan PNP ang maong driver.
RadyoMaN Don Pulayao
