Si Prosperidad Agusan Del Sur Branch 8 Presiding Judge Kimal Salakop nagpagula og orden de aresto batok kang Bernardino Aperdo, 37 anyos, minyo, ug nagpuyo sa R. Castillo, Agdao, ning siyudad niadtong Hulyo 30, 2015 pa, apan nagtago-tago ang naasoy nga akusado.
Human nasiplatan ang gitagoan ni Aperdo sa may Amparo Homes, Brgy.Ilang wala maglangay si Sta.Ana PNP Chief of Police Lt.Col.Ronald Lao sa pagmandar sa iyang mga ginsakpan sa pakig-alayon sa grupo sa Agusan Del Sur Provincial Mobile Force Company sa pagpanguna ni Police Lt.Col. Feluvini Consuegra aron masilbi ang warrant of arrest batok sa suspek.
Human gipasabot sa kapulisan ang ilang katuyoan ug katungod sa akusado, malinawon kini mi-uban si Aperdo sa mga tinugyanan sa balaod bandang pasado 7:00 sa gabii.
Hikayon na lamang ang mga papeles sa pagbiyahe ug pagbalhin sa kustodiya gikan sa Sta.Ana Police ngadto na sa Agusan Del Sur Provincial Mobile Force Company aron magsugod na og dagan ang kaso batok sa akusado.
RadyoMaN Joel Viray
