Ang driver sa sakyanan giila nga mao si Francis Ralph Spandonis Caputolan, 24 anyos, taga-Trento, Agusan Del Sur samtang ang biktima mao si Philip Cabesas Ibale, 71 anyos, residente sa Sta. Cruz, Kaputian District, Island Garden City of Samal, Davao Del Norte.
Sa interbyu sa DXDC RMN Davao kang Police Major Marvin Hugos, Station Commander sa San Pedro Police Station, wala pa nagkasinabot apan kung dili intrisado ang kompanya sa maong sakyanan posibleng kasohan ang driver.
Subay sa inisyal nga inbestigasyon ni Hugos, ang Hino Armored Car nagdagan sa Quirino Avenue paingon sa Magallanes Street, apan pag-abot sa nasampit nga lugar ang maong sakyanan niliko patuo ug wa mabantayi nga mitabok ang biktima sa pedestrian lane og nabanggaan hinungdan sa iyang hinanaling kamatayon.
“Pagliko sa driver pa tuo og wala mabantayi nga naa diay tawo, posible nga mo-file sila og kaso kung dili sila magkasinabot”,Sulti ni Hugos.
Ang patay’ng lawas sa biktima gidala na sa Angel Funeral Homes, samtang ang driver gikustodiya sa San Pedro Police Station.
RadyoMaN Don Pulayao
