Driver nga nalambigit sa pagpayuhot sa iligal nga druga, nasakote sa operatiba sa CDEU!

45
Ang suspek nga nadakpan atol sa anti-illegal drug buy bust operation sa CDEU / Photo by: CDEU

Malampusong nasakote sa mga operatiba sa City Drug Enforcement Unit kon CDEU ang driver nga nalambigit sa pagpayuhot sa iligal nga druga.  Kini human nga gilusad ang anti-illegal drug buy bust operation diha sa Zone 1, Upper Bantiles sa Brgy. Bugo ning syudad sa Cagayan de Oro.

Ang maong operation ang gipangulohan mismo ni PCapt. Mike Dioren Cavan, ang Assistant Chief sa CDEU ubos sa direct supervision ni PLt.Col. James Gaylan, ang Chief sa CDEU.

Tungod ni-ini, nasikop ang suspek nga 38 anyos nga si Israel Brazil, dunay kapuyo nga residenti sa nasangpit nga lugar.  Gikabutyag nga napalitan sa usa ka sachet sa gituhoang shabu ang suspek balor 500 pesos nga maoy hinungdan sa pagka-aresto ni-ini kung diin nakuha pa gikan sa posisyon ni-ini sa ang laing duha ka mga sachet sa gituhoang shabu.


Gibana-banang motimbang sa 1 gramo ang tanang nakumpiskang druga sa maong suspek nga dunay street market value nga 6,800 pesos.  Lakip nga nakuha ang usa ka cellphone nga maoy gituhoang ginagamit ni-ini sa iligal nga mga transactions ug ang 500 peso bill nga ginamit isip buy bust money.

Suspek karon detinado na sa Maharlika Detention Cell samtang kasong pagsupak sa R.A. 9165 ang posibleng atubangon ni-ini ngadto sa korte.

Kasama mo sa CDEU, RadyoMaN Andy Coco, DXCC Tatak RMN!



Facebook Comments