Davao City – Balhog sa San Pedro PNP ang usa ka tricycle driver human nga nakasupak sa balaud-trapiko kun obstruction ug misuway og puspos gamit ang usa ka 2×2 nga kahoy ngadto sa usa ka traffic enforcer sa City Transportation and Traffic Management Office (CTTMO).
Sa report gikan sa San Pedro PNP naila ang Traffic Enforcer sa CTTMO nga mao si Julius Raquel, hingkod ang edad samtang ang suspek nga tricycle driver nailang si Policar Gondino, 60 anyos, nagpuyo sa Purok 17 Pag-Asa Bankerohan Barangay 5-A siyudad sa Davao.
Matud pa samtang nag duty ang naasoy’ng traffic enforcer didto sa may dalang Marfori Corner Pitchon igo lang gisita si Gondino apan nasuko hinuon ang driver ug namalikas sa traffic enforcer hinungdan gisikop ang maong driver.
Pursigido nga mupasaka ug kasong threat si Raquel batok sa dinakpan.
RadyoMaN Don Pulayao
